Në vazhdim të ciklit të trajnimeve të audituesve të brendshëm, në datat 19 – 21 Qershor, Ekipi i Projektit “ Financat Lokale” i financuar nga SECO/ Qeveria Zvicerane në bashkëpunim me Ministrinë e Financave dhe Ekonomisë zhvilluan në Gjirokastër trajnimin 3 ditor të Audituesve të Brendshëm të 11 Bashkive të rajonit.

Auditimi mbi bazë risku i sistemit të menaxhimit të të ardhurave vendore ishte pika fokale e këtij sesioni trajnimi për të siguruar kuptueshmërinë e proceseve të punës të strukturës organizative, përfshirë rolet dhe përgjegjësitë në çdo proces të menaxhimit të të ardhurave.

Menaxhimi i të ardhurave vendore mbi bazën e riskut është një nga faktorët kryesorë me ndikim në autonominë vendore duke synuar financa publike të sigurta për ofrimin e shërbimeve më të mira për komunitetin.